‘வேளை வந்தா எல்லாம் தானா நடக்கும்’ என்பது முதுமொழி. ‘வேலை கிடைச்சா எல்லாம் தானா கிடைக்கும்’ என்பது புதுமொழி. போட்டி நிறைந்த இந்த உலகில், ஒரு நல்ல வேலை கிடைக்க வேண்டும் என்றால், பல்வேறு துறை தொடர்பான அறிவுக்கூர்மை இன்றைய இளைஞர்களுக்கு அவசியம். அரசுப் பணியில் சேர & எந்தத் துறையாக இருப்பினும் போட்டித் தேர்வுகளை எதிர்கொண்டுதான் ஆகவேண்டியுள்ளது. முயற்சியை முன்வைத்து எடுக்கும் பயிற்சியின் மூலம் முதன்மை பெற முடியும் என்ற நம்பிக்கையில், அரசின் பல்வேறு தேர்வுகளை எதிர்கொள்ள லட்சக்கணக்கான இளைஞர்கள் இன்று வரிசையில் காத்திருக்கிறார்கள். பல்வேறு போட்டித் தேர்வுகளை எதிர்கொண்டு பலவித நுணுக்கங்களை அறிந்துகொண்ட பிறகுதான், தேர்வில் வெற்றி பெற்று ‘அரசாங்கப் பணியில் நான் இருக்கிறேன்’ என்று நெஞ்சை நிமிர்த்திச் சொல்ல முடியும். தமிழ்நாடு அரசுப் பணியாளர் தேர்வாணையம், பல்வேறு பதவிகளுக்கான போட்டித் தேர்வை காலத்தின் அடிப்படையில் நடத்தி வருகிறது. இவற்றில், கிராம நிர்வாக அலுவலர் (வி.ஏ.ஓ.) தேர்வுக்கான போட்டித் தேர்வும் ஒன்று. இந்த வி.ஏ.ஓ. தேர்வு, மற்ற போட்டித் தேர்வுகளைப் போன்று கடினமான தேர்வு அல்ல என்பதை இங்க